Do oci da birichin
un ciufo ribele da sbarassin
na voia mata de libertà
par provare e so abilità.
Alegro e soridente
fiducioso nea gente
afrontava de bon animo
el destin poco magnanimo.
Da un male fisico colpio
nol se ga tirà in drio
no dandose par vinto,
ma caparbio convinto
movendose con brio
su na biga se partio
più volte campion dichiarà
dea corsa e de l'umanità.
Un gran core da Serafin
el gaveva fin da bambin
estroverso e spontaneo
co l'amico e con l'estraneo.
|
In amore el gera generoso
l'abrassava tutti da bon toso!
Nol voeva che i barufasse
el sercave che i se conciliasse.
Lavoratore instancabile
el gera molto abile
doparava marteo e ciodi
el creava in vari modi.
Dea fameia el godeva
el calore ch'el viveva,
come fioeo desiderà
el ciamava mama e papà.
Coi fati el gà dimostrà,
a chi ancora no eò sa,
se vive na vita serena
se l'accetassion xè piena.
Agosto 1995
Edda Bolzonella Vais
|
- powered by Websonica S.r.l.